El Fuero Juzgo de la Biblioteca Estatal de Baviera: cuestiones de datación y localización

Elena E. Rodríguez Díaz

Resume

Ente los códices del sieglu XIII que se conserven col Fueru Xulgu na llingua asturlleonesa, dos o tres copiáronse enantes de 1260. El cod. Hisp. 28 de la Biblioteca Estatal de Babiera, editáu pola Academia de la Llingua Asturiana en 1994, ye’l más vieyu. Pue fechase en 1240-1250 por razones codicolóxiques y paleográfiques, como s’amuesa nesti trabayu. Amás, esti exemplar ta emparentáu materialmente col ms. 49 de la Real Academia Española, magar qu’esti seya de fabricación posterior. Plantéase la hipótesis d’una ellaboración posible n’Asturies por semeyances formales con otros códices d’esta mesma procedencia. Estos dos volúmenes analícense de forma comparada dende una perspeutiva codicolóxica y paleográfica y dase información nueva sobre otros Fueros Xulgos na mesma llingua, con dataciones precisaes y con un llugar de copia que pue establecese en Lleón, Zamora y, probablemente, Toro.

Pallabres clave

Fueru Xulgu, códices medievales, códices medievales en llingua asturiana, codicoloxía, paleografía

Artículu en pdf Compartir